రాజులపాలెం లో ఉచిత కంటి వైద్యం

విశ్వంవాయిస్ న్యూస్ డెస్క్, కిర్లంపూడి:

కిర్లంపూడి మండలం విశ్వం వాయిస్ న్యూస్:జూలై24

కాకినాడ జిల్లా కిర్లంపూడి మండలం రాజుపాలెం ప్రాథమిక పాఠశాల యందు ఆదివారం పోకల రాజేంద్ర ఆధ్వర్యంలో శ్రీ కిరణ్ కంటి ఆసుపత్రి కాకినాడ వారిచే ఉచిత మెగా కంటి వైద్య శిబిరం నిర్వహించారు. ఈ శిబిరానికి సుమారు 300 మంది రాజుపాలెం, వీరవరం, కిర్లంపూడి, ముక్కొల్లు తదితర గ్రామాల నుండి వచ్చి రోగులకు కంటి పరీక్షలు నిర్వహించారు. ఈ కంటి శిబిరానికి వచ్చిన వారిలో ఉచితంగా కంటి శుక్ల ఆపరేషన్లు అవసరమైనట్లు ప్రోగ్రాం ఆఫీసర్ పి. సత్యనారాయణ తెలిపారు. ఈ కార్యక్రమంలో రాష్ట్ర బిజెపి నాయకుడు తోట నగేష్, ఎంపీపీ తోట రవి, తోట గాంధీ, ఆసుపత్రి సీఈఓ రాజేష్, అరవింద్, పోకల దొరబాబు, జోకా శ్రీను, పోకల లోకేష్, ఆసుపత్రి ఆప్తమాలజీ అధికారి బి. హేమలత మరియు శ్రీ కిరణ్ కంటి వైద్య సిబ్బంది, గ్రామస్తులు తదితరులు పాల్గొన్నారు.