విశ్వంవాయిస్ న్యూస్ డెస్క్, రాజమహేంద్రవరం సిటి:
తెలుగుదేశం పార్టీ బి.సీ. సాధికార కమిటీ(నూర్బాషా ముస్లిం)రాష్ట్ర అధ్యక్షునిగా షేక్ సుభాన్ ఎన్నికయ్యారు.తెలుగుదేశం పార్టీ జాతీయ అధ్యక్షుడు నారా చంద్రబాబు నాయుడు సమక్షంలో ప్రమాణ స్వీకారం చేసిన అనంతరం ఎపి నూర్బాషా సంఘం (157/2015) రాష్ట్ర గౌరవాధ్యక్షులు,టిడీపీ రాష్ట్ర అధికార ప్రతినిధి కె.నాగుల్ మీరా సమక్షంలో విజయవాడలో షేక్ సుభాన్ ను సంఘ సభ్యులు ఘనంగా సత్కరించారు.ఈ సందర్భంగా సుభాన్ మాట్లాడుతూ రాజకీయంగా,ఆర్థికంగా,సామాజికంగా వెనుకబడిన నూరుబాషా ల అభ్యున్నతికి శాయశక్తులా కృషి చేస్తానని చెప్పారు.చట్ట సభల్లో తమ కులం నుంచి ప్రాతినిధ్యం ఉండేలా కృషి చేస్తానని అన్నారు. కార్యక్రమంలో రాష్ట్ర సాధికార కమిటీ సభ్యులు షేక్ ఖాదర్ బాషా,, సిద్ధయ్య, నాగూర్ మీరా వలి,టిప్పు సుల్తాన్,ఆరిఫ్(బాలు) సంఘ పెద్దలు పి.సాయిబాబా,చందాఖాన్, ఆదం షఫీ తదితరులు పాల్గొన్నారు.
