విశ్వంవాయిస్ న్యూస్ డెస్క్, పి గన్నవరం:
ఘనంగా అయ్యప్ప స్వామి 18 కలసల పడిపూజ
పి. గన్నవరం (విశ్వం వాయిస్ న్యూస్) మండలంలోని లంకల గన్నవరం గ్రామంలో అయ్యప్ప స్వాముల 18 కళశల పూజ ఆదివారం వైభవంగా జరిగింది. ఈ మేరకు లంకల గన్నవరం గ్రామంలోని కంతేటి త్రిమూర్తులు (బాబు) గురుస్వామి ఇంటి వద్ద ఆదివారం ఉదయం గణపతి హోమాన్ని నిర్వహించారు. అదేవిధంగా అయ్యప్ప స్వాములకు బిక్ష, భక్తులకు అన్న సమారాధనను నిర్వహించారు. అదేవిధంగా మధ్యాహ్నం మూడు గంటల నుండి భాజా భజంత్రీలతో అయ్యప్ప స్వాములు కలశాలను ఊరేగించి కలశాలతో గోదావరి జలాలను తీసుకువచ్చారు. అనంతరం పాటబళ్ళ కృష్ణ గురుస్వామి ఆధ్వర్యంలో 18 కలశాల పూజ, ప్రత్యేక భజన కార్యక్రమాలను జరిగాయి. ఈ సందర్భంగా ఆంధ్ర జేసుదాసుగా పేరుగాంచిన కృష్ణ గురుస్వామి ఆలపించిన అయ్యప్ప స్వామివారి భక్తి గీతాలు భక్తులను, ప్రజలను ఎంతోగానో ఆకట్టుకున్నాయి.
