అక్రమ మద్యం తరలిస్తూ ఒక వ్యక్తి అరెస్ట్

విశ్వంవాయిస్ న్యూస్, తాళ్లరేవు:

అక్రమ మద్యం తరలిస్తూ ఒక వ్యక్తి అరెస్ట్

 తాళ్లరేవు మండలం పోలేకుర్రు పంచాయతీ పరిధి జాతీయ రహదారి 216 వై జంక్షన్ వద్ద యానం నుంచి అక్రమంగా మద్యం తరలిస్తున్న ఒక యువకుడిని అరెస్టు చేసినట్లు స్పెషల్ ఎన్ఫోర్స్మెంట్ బ్యూరో ఎస్సై కుమార్ తెలిపారు. వివరాల ప్రకారం 72 మద్యం సీసాలతో ఏలేశ్వరం గ్రామానికి చెందిన జిఏసి అనిల్ కుమార్ తన బైక్ పై యానాం నుంచి మద్యం తరలిస్తుండగా పోలేకుర్రు వై జంక్షన్ వద్ద పోలీసులు నిర్వహించిన తనిఖీల్లో పట్టుబడ్డాడు. మద్యం సీసాలతో పాటు బైకును సీజ్ చేసినట్లు ఎస్సై తెలిపారు . ఈ దాడిలో హెచ్ సి ఎం లక్ష్మణరావు కానిస్టేబుల్స్ వీరభద్ర రావు పాల్గొన్నారు. యువకుడ్ని అదుపులోకి తీసుకొని రిమాండ్ కు తరలించినట్లు తెలిపారు.