Asset 2

Trending

Trending

8:10:45

దేశంలో ప్రస్తుత కరోన వివరాలు

RECOVERED

ACTIVE

DEATHS

Follow Us

దేశంలో బీజేపీదే హవా.. ఏపీలో వైసీపీ క్లీన్ స్వీప్.. .టైమ్స్ నౌ సర్వేలో వెల్లడి

WWW.VISWAMVOICE.COM

VISWAMVOICE NEWS TELUGU

విశ్వంవాయిస్ న్యూస్, న్యూడిల్లి:

దేశంలో ఇప్పటికిప్పుడు ఎన్నికలు జరిగితే మళ్లీ బీజేపీ అధికారంలోకి వస్తుందని ‘టైమ్స్ నౌ నవభారత్’ వెల్లడించింది. దేశంలో నరేంద్ర మోదీ క్రేజ్ చెక్కుచెదరలేదని చెప్పింది. అలాగే, ఆంధ్రప్రదేశ్‌లో మరోసారి వైసీపీ ప్రభంజనం కొనసాగుతుందని తెలిపింది.

ప్రధాని నరేంద్ర మోదీ హవా దేశంలో ఇంకా తగ్గలేదని మరో సర్వేలో వెల్లడైంది. 2024 లోకసభ ఎన్నికలకు మరికొద్ది నెలలు మాత్రమే గడువు ఉన్న నేపథ్యంలో ‘టైమ్స్ నౌ- నవభారత్’ సర్వేలో కీలక విషయాలు వెలుగులోకి వచ్చాయి. ‘జన్‌ గన్‌ కామన్’ పేరుతో ‘టైమ్స్ నౌ- నవభారత్’ ఈ సర్వేను నిర్వహించింది. దేశంలో ఇప్పటికప్పుడు ఎన్నికలు జరిగితే.. మళ్లీ భారతీయ జనతా పార్టీ (బీజేపీ) నేతృత్వంలోని ఎన్డీయే కూటమి అధికారంలోకి రావడం పక్కా అని వెల్లడించింది.

బీజేపీ కూటమికి 543 సీట్లకు గాను 285- 325 వరకు సీట్లు వస్తాయని సర్వేలో తేలిందని టైమ్స్ నౌ- నవభారత్ వెల్లడించింది. ఇక కాంగ్రెస్ పార్టీకి 111-149 స్థానాలు వస్తాయని సర్వేలో తేలింది. అలాగే, ఆంధ్రప్రదేశ్‌లో ముఖ్యమంత్రి వైఎస్ జగన్మోహన్ రెడ్డి సారథ్యంలోని వైఎస్సార్ కాంగ్రెస్ పార్టీ మరోసారి ప్రభంజనం సృష్టిస్తోందని చెప్పారు. ఏపీలో 25 స్థానాలు ఉంటే వైసీపీకి 24- 25 స్థానాలు వస్తాయని అంచనా వేసింది. తెలుగు దేశం పార్టీకి 0 – 1 మధ్య సీటు వచ్చే అవకాశం ఉందని తెలిపింది. దేశంలో మూడో అతి పెద్ద పార్టీగా వైసీపీ అవతరించే అవకాశం ఉందని తెలిపింది.

ఇక, తెలంగాణ రాష్ట్రంలో భారత రాష్ట్ర సమితి (బీఆర్ఎస్) పార్టీకి 37 శాతం ఓట్లతో 9- 11 మధ్య ఎంపీ స్థానాలు సాధిస్తుందని టైమ్స్ నౌ- నవభారత్ వెల్లడించింది. అలాగే తెలంగాణలో, కాంగ్రెస్ పార్టీకి 29.2 శాతం ఓట్లు, బీజేపీకి 25.3 శాతం ఓట్లు వస్తాయని తేలిపింది. తృణమూల్ కాంగ్రెస్ పార్టీ 20-22 స్థానాలు, ఒడిశాలోని బీజేడీ పార్టీ 12-14 ఎంపీ సీట్లు గెలుస్తుందని సర్వేలో అంచనా వేసింది. దేశంలో కీలకమైన ఉత్తరప్రదేశ్ రాష్ట్రంలో బీజేపీ ఏకంగా 50.30 శాతం ఓట్లు సాధిస్తుందని సర్వే అంచనా వేసింది.

advertisement

సంబందిత వార్తలు

ట్రెండింగ్

తాజా వార్తలు

advertisementWanted

క్రికెట్

advertisement