కాకినాడ ఆగస్టు 26 : విశ్వం వాయిస్ క్రైమ్ న్యూస్
నగర నడిబొడ్డున ఉన్న భానుగుడి జంక్షన్ వద్ద అర్ధరాత్రి తీవ్ర కలకలం రేగింది. స్థానిక చార్మినార్ టీ సెంటర్ సమీపంలో ఓ యువకుడిని గుర్తుతెలియని దుండగులు అతి కిరాతకంగా హతమార్చారు. ఈ ఘటనతో స్థానికులు ఒక్కసారిగా భయాందోళనలకు గురయ్యారు. * మృతుడి వివరాలు: మృతుడిని కొడమాటి సతీష్ రెడ్డి (30), తండ్రి రామచంద్రరావుగా గుర్తించారు. సతీష్ రెడ్డి సుధా ఆర్కేడ్ ఎదురుగా ఉన్న K-7 ఫిట్నెస్ జిమ్లో ట్రైనర్గా పనిచేస్తున్నాడు. * అర్ధరాత్రి వేళ దాడి: బుధవారం (26-08-2026) తెల్లవారుజామున సుమారు 02:20 గంటల సమయంలో ఈ దారుణం చోటుచేసుకుంది. టీ సెంటర్ వద్ద ఉన్న సతీష్ రెడ్డిపై దుండగులు ఒక్కసారిగా దాడికి పాల్పడి, ప్రాణాలు తీసి అక్కడినుంచి పరారయ్యారు. * హత్యకు దారితీసిన కారణాలు: ఈ హత్య వెనుక వివాహేతర లేదా అక్రమ సంబంధాల కోణం ఉండవచ్చని పోలీసులు ప్రాథమికంగా అనుమానిస్తున్నారు. వ్యక్తిగత కక్షలు, పాత గొడవలు ఏమైనా ఉన్నాయా అనే దిశగా కూడా ఆరా తీస్తున్నారు. * రంగంలోకి టూ టౌన్ పోలీసులు: సమాచారం అందిన వెంటనే కాకినాడ టూ టౌన్ సీఐ సిబ్బందితో ఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం కాకినాడ ప్రభుత్వ సర్వజన ఆసుపత్రి (జి. జి. హెచ్ )కి తరలించారు. సి. సి.టీ.వి ఫుటేజీల ఆధారంగా గాలింపు: భానుగుడి జంక్షన్, పరిసర ప్రాంతాల్లోని సీసీటీవీ కెమెరాల ఫుటేజీలను పోలీసులు పరిశీలిస్తున్నారు. నిందితులను త్వరలోనే పట్టుకుంటామని అధికారులు వెల్లడించారు. పూర్తి వివరాలు విచారణ అనంతరం తెలియాల్సి ఉంది.
