Karapa, Kakinada (VISWAM VOICE DESK):
కాకినాడ జిల్లా కరప మండలం వేళంగి గ్రామంలో వినాయక చవితి మహోత్సవాలు అత్యంత వైభవంగా ముగిశాయి. గ్రామంలోని నిత్యానందపురం సెంటర్ మరియు మార్కెట్ సెంటర్లలో వినాయక ఉత్సవాలు అత్యంత కనులవిందుగా జరిగిన విషయం తెలిసిందే.
ఈ వేడుకల సంబరాలు ముగిసిన సందర్భంగా ప్రతిఏటా ఆనవాయితీగా వస్తున్న సంప్రదాయం ప్రకారం, ఆలయ కమిటీ ఆధ్వర్యంలో ఈ రెండు సెంటర్ల వద్ద సుమారు 3,000 మందికి పైగా భక్తులకు మహా అన్నదాన కార్యక్రమాన్ని ప్రతిష్టాత్మకంగా నిర్వహిస్తున్నారు.
ఇందులో భాగంగా ఈరోజు నిత్యానందపురం సెంటర్‌లో ఆలయ ధర్మకర్త వెలుగుల లచ్చరావు ఆధ్వర్యంలో భారీ ఎత్తున అన్నదానం చేపట్టారు. ఆలయ కమిటీ సభ్యులు, భక్తులు మరియు గ్రామస్తుల ఉమ్మడి సహాయ సహకారాలతో ఈ కార్యక్రమం అత్యంత విజయవంతంగా కొనసాగుతోంది.
- ఈ మహా అన్నదానంలో చుట్టుపక్కల గ్రామాల నుంచి కూడా పెద్ద ఎత్తున భక్తులు, ప్రజలు తరలివచ్చి ప్రసాదం స్వీకరించారు. వినాయక స్వామి కృపతో గ్రామంలో ఇలాంటి ఆధ్యాత్మిక, సామాజిక కార్యక్రమాలు మరెన్నో జరగాలని గ్రామస్తులు ఆకాంక్షించారు.
